९ कार्तिक २०७८, मंगलवार

साउन २९ गतेदेखि साहस उर्जाले  स्थानीयलाई आइपीओ बिक्री गर्ने

डिप्लोम्याट खबर
२१ श्रावण २०७८, बिहीबार ०९:४९

काठमाडौं । साउन २९ गतेदेखि साहस उर्जाले आयोजना प्रभावित स्थानीयलाई आइपीओ बिक्री गर्ने भएको छ ।  कम्पनीले सोलखुम्बु जिल्लाका आयोजना प्रभावितका लागि कुल ३५ लाख कित्ता आइपीओ बिक्री खुला गर्न लागेको हो । यसमा न्यूनतम १० कित्तादेखि अधिकतम १० लाख ५० हजार कित्तासम्म आवेदन दिन सकिन्छ ।

यसमा भदौ ११ गतेसम्म आवेदन दिन सकिनेछ । उक्त अवधिसम्म सबै सेयर बिक्री नभएमा भने भदौ २७ गतेसम्म खुला रहनेछ ।

लगानीकर्ताले सोलखुम्बु जिल्लामा रहेको ग्लोबल आइएमई बैंकको सल्लेरी शाखा, नेपाल इन्भेष्टमेन्टको बैंकको लुक्ला शाखा, लक्ष्मी बैंकको मुग्ली र नेले शाखा, माछापुच्छ्रे बैंकको, सल्लेरी शाखा तथा प्राइम कमर्शियल बैंकको रमिते शाखाबाट आवेदन दिन सक्नेछन् ।

यसैगरि लगानीकर्ताले सि–आस्वा प्राप्त बैंक तथा वित्तीय संस्था तथा मेरो सेयरमार्फतबाट पनि सेयर भर्न सक्नेछन् । यसमा बिक्री प्रबन्धकको काम एनआइबीएल एस क्यापिटलले गर्नेछ । साहसले हाल सोलुखुम्बु जिल्लामा ८६ मेगावट क्षमताको जलविद्युत आयोजना निर्माण गरिरहेको छ ।

प्रतिक्रिया : थप