९ कार्तिक २०७८, मंगलवार

सेयर भाउ वृद्धि हुन थालेपछि वाणिज्य बैंकहरुको सेयर बजारमा थप रौनकता

डिप्लोम्याट खबर
२३ जेष्ठ २०७८, आईतवार १६:४१

काठमाडौं । सेयर भाउ वृद्धि हुन थालेपछि वाणिज्य बैंकहरुको सेयर बजारमा थप रौनकता आएको छ । बैंकहरुको सेयर भाउमा क्रमशः वृद्धि हुँदै आज नेप्से सूचक र खरिद–बिक्री रकम दुवैमा नयाँ कीर्तिमान कायम भएको छ ।

आइतबार १७ अर्ब २७ करोड रुपैयाँभन्दा बढीको सेयर कारोबार भएको छ । यो अहिलेसम्मकै सबैभन्दा धेरै कारोबार रकम हो । यसअघि जेठ १६ गते सर्वाधिक १७ अर्ब २ करोड ८४ लाख रुपैयाँभन्दा बढीको सेयर कारोबार भएको थियो ।

नेप्से सूचक पनि ५० दशमलव १३ अंकले बढेर २९०६।८९ विन्दुमा आइपुगेको छ । यो पनि अहिलेसम्मकै उच्च विन्दु हो । आइतबार कुल २ सय १८ कम्पनीको ३ करोड ७४ लाख ५५ हजार बढी कित्ता सेयर खरिद बिक्री भएको छ ।

प्रतिक्रिया : थप